Método de galeguización (g11n)

Este documento contén unha síntese dos métodos empregados para a galeguización de aplicativos de código aberto realizado a partir da observación dos proxectos máis significativos. O seu propósito primordial é o de fornecer unha visión global do proceso de galeguización que facilite a incorporación de novas persoas axudándolles a ubicarse naquela área de traballo que mellor se corresponda coas súas motivacións persoais e coñecementos previos.

Aínda que este método pode ser aplicábel tanto a proxectos de grande envergadura como a pequenos proxectos de tipo unipersoal, cómpre salientar que neste último caso a segmentación de perfiles (tradución, revisión, verificación e coordenación) podería non ser necesaria.

Diagrama de fluxo

Neste diagrama descríbese o fluxo de traballo empregado na galeguización de aplicativos de código aberto. Nel relaciónanse os distintos procesos, indicando ademais a interacción cos ficheiros (cadeas ou binarios) e os recursos comunitarios (de tipo lingüístico, como memorias de tradución ou catálogos de erros frecuentes). Para formalizar este diagrama emprégase o modelo waterfall.

Faga clic na imaxe para obter unha de maior resolución.

Especificación de procesos

En cada unha das seguintes táboas detállase en que consiste cada un dos procesos que conforman o método de galeguización descrito no diagrama de fluxo. Para cada un destes procésos indícase o seu nome e descrición, os requisitos necesarios para poder ser realizado, as accións das que se compón así como os perfís involucrados. Para formalizar esta especificación emprégase a técnica de CRC.

Chamamento de tradución Elaboración e difusión dunha convocatoria para a participación na tradución dun aplicativo determinado.
Requisitos	Accións	Perfís
Recepción do anuncio de inicio dos traballos dunha nova versión Comprobación de correspondencia coas prioridades establecidas Plantilla de chamamento	Adaptar a plantilla de chamamento á versión correspondente (prazo e instrucións xerais) Difusión do chamamento Xestión de ofrecementos	Coordenación

Obtención de cadeas Realización dos pasos necesarios para obter as cadeas que deberán ser traducidas, unha vez fornecidas as instrucións precisas.
Requisitos	Accións	Perfís
Chamamento de tradución Instrucións de check-out	Check-out	Tradución Revisión Coordenación

Tradución de cadeas Galeguización das cadeas orixinais do aplicativo apoiada no uso de ferramentas e recursos lingüísticos dentro do marco das convencións de estilo e terminoloxía acordadas.
Requisitos	Accións	Perfís
Cadeas sen traducir Ferramentas de tradución seleccionadas Acceso a recursos lingüísticos (glosarios, memorias de tradución e guías de estilo) Coñecemento das convencións de tradución acordadas (estilo e terminoloxía)	Aplicación de memoria de tradución Verificación de solucións procedentes da memoria de tradución Consulta de glosarios Selección de termos en base aos convenios establecidos	Tradución

Validación de cadeas Aplicación dos mecanismos de validación formal comúns a tódolos idiomas.
Requisitos	Accións	Perfís
Cadeas traducidas Coñecemento do mecanismo de validación	Aplicación do mecanismo de validación sobre as cadeas traducidas Resolución de problemas detectados Envío para revisión lingüística	Tradución Revisión

Revisión lingüística e corrección de erros Detección, corrección e recopilación de erros detectados. O erros máis frecuentes serán incorporados a unha base de datos co propósito de servir como referencia por unha banda para os propios tradutores, pero tamén para alimentar sistemas semiautomáticos de revisión lingüistica que permitan nun futuro reducir a carga de traballo dos revisores.
Requisitos	Accións	Perfís
Cadeas traducidas e validadas Coñecemento profundo e acreditado das convencións de estilo e terminoloxía	Detección e corrección de erros Recopilación de erros frecuentes Envío da recopilación de erros Validación de cadeas	Revisión

Comprobación de integridade Integración das cadeas revisadas na copia do repositorio oficial que permita realizar as oportunas comprobacións como paso previo á remisión da tradución.
Requisitos	Accións	Perfís
Copia actualizada do repositorio oficial Cadeas revisadas Información actualizada sobre o estado dos repositorios	Integración das cadeas revisadas na copia do repositorio oficial Validación de cadeas	Coordenación

Remisión a repositorio oficial Envío da tradución para a súa incorporación no repositorio oficial.
Requisitos	Accións	Perfís
Copia do repositorio oficial coa tradución integrada	Actualización do repositorio oficial Identificación e seguemento da actualización (changeset/issue) Comprobación da integridade do repositorio Notificación de actualización	Coordenación

Chamamento á verificación Elaboración e difusión dunha convocatoria para a participación na verificación da versión preliminar do aplicativo. Esta verificación opera en dous niveis: un nivel interno no seo do proxecto e común a tódolos idiomas (l10n) e un nivel externo aberto á participación de calquera potencial usuario do aplicativo (g11n).
Requisitos	Accións	Perfís
Binarios compilados Plantilla de chamamento	Adaptar a plantilla de chamamento á versión correspondente (prazo e instrucións xerais) Difusión do chamamento Xestión de ofrecementos	Coordenación

Verificación (l10n) Aplicación de baterías de probas predefinidas para todos os idiomas que deben facerse de forma sistematizada no seo interno do proxecto.
Requisitos	Accións	Perfís
Definición de batería de verificación Coñecemento das convencións de verificación	Execución de baterías de verificación Elaboración de informe de calidade Informe no sistema de seguemento de erros	Verificación (interna)

Verificación (g11n) Proba e informe de erros detectados por parte das persoas que subscriban o chamamento público.
Requisitos	Accións	Perfís
Chamamento á verificación	Instalación de binarios Execución de aplicativos Detección e informe de erros	Verificación (externa)

Concorrencia á versión Notificación ao proxecto matriz de que se concorrerá a unha versión determinada, pechando por tanto o proceso de tradución.
Requisitos	Accións	Perfís
Binarios verificados Erros resoltos	Formalización do opt-in Notificación de opt-in	Coordenación

Anuncio do produto final Comunicación pública da dispoñibilidade da nova versión do aplicativo en galego.
Requisitos	Accións	Perfís
Recepción do anuncio dunha nova versión Modelo de documento para o anuncio	Adaptar o modelo de anuncio á versión correspondente (enderezo de descarga, recoñecementos e novidades) Difusión do chamamento	Coordenación

Seguemento Observación e participación nas roldas globais do proxecto.
Requisitos	Accións	Perfís
Coñecemento da cultura participativa e deliberativa do proxecto global. Recoñecemento do perfil de coordenación no proxecto global.	Observación do fluxo comunicativo do proxecto global Participación nos fíos que afecten ao proxecto de galeguización Comunicación aos membros do equipo de galeguización	Coordenación

Versión 0.4 (changelog)